Sun, Jun 07, 2020 12:11



होमपेज › Soneri › प्रसिध्द अभिनेत्री निम्मी यांचे निधन

प्रसिध्द अभिनेत्री निम्मी यांचे निधन

Last Updated: Mar 26 2020 9:41AM




मुंबई : पुढारी ऑनलाईन 

प्रसिध्द अभिनेत्री निम्मी यांचे वयाच्या ८८ व्या वर्षी मुंबईमध्ये निधन झाले. त्या मागील काही महिन्यांपासून आजारी होत्या. मुंबईतील सरला नर्सिंग होममध्ये त्यांनी अंतिम श्वास घेतला. निम्मी यांनी १६ वर्षे चित्रपटांत काम केले. सन १९४९ ते १९६५ पर्यंत त्या चित्रपट इंडस्ट्रीत सक्रिय राहिल्या. त्यांचे खरे नाव 'नवाब बानो' असे होते. निम्‍मी यांनी एस अली राजा यांच्याशी विवाह केला होता. २००७ मध्ये अली राजा यांचे निधन झाले. 

राज कपूर यांनी दिला होता ब्रेक

निम्मी यांना राज कपूर यांनी आपल्या चित्रपटात पहिला ब्रेक दिला होता. असं म्हटलं जातं की, त्यांनी नवाब बानो यांचे नाव बदलून निम्मी ठेवलं होतं. राज कपूर यांनी आपल्या बरसात या चित्रपटात ब्रेक दिला होता. हा चित्रपट हिट झाल्यानंतर निम्मीने अनेक चित्रपटांमध्ये काम केले. आन, उडन खटोला, भाई भाई, कुंदन, मेरे महबूब यासारख्या चित्रपटात काम करून लोकप्रियता मिळवली. 

दिलीप कुमार ते राज कपूर, अशोक कुमार, धर्मेंद्र यासारखे अनेक दिग्गज स्टार त्यांच्यासोबत काम करण्यास उत्सुक होते. निम्मी यांचे निधन झाल्यानंतर दिग्दर्शक महेश भट्ट यांनी देखील ट्विट करून आणि त्यांना श्रद्धांजली वाहिली.