Mon, Nov 30, 2020 13:47



होमपेज › National › नववी पास बहाद्दराने लष्करातील मेजर असल्याचे सांगत तब्बल १७ मुलींना साडे सहा कोटींना गंडवले!

नववी पास बहाद्दराने लष्करातील मेजर असल्याचे सांगत तब्बल १७ मुलींना साडे सहा कोटींना गंडवले!

Last Updated: Nov 22 2020 1:45PM




नवी दिल्ली : पुढारी ऑनलाईन 

लग्नाच्या नावाखाली फसवाफसवीचे अनेक किस्से आपण ऐकले आहेत. पण आंध्र प्रदेशमध्ये एक वेगळीच घटना समोर आली आहे. एका व्यक्तीने तब्बल १७ मुलींना फसवले आहे. या मुलींच्या कुटुंबाकडून ६.६१ कोटी ही त्याने घेतले आहेत. त्या ४२ वर्षीय व्यक्तीने स्वत:ला लष्करातील मेजर असल्याचे सांगुन मुलींच्या कुटुंबात लग्नासाठी प्रस्ताव दिला होता. त्या आरोपीला शनिवारी हैदराबामधून अटक केली आहे. 

वाचा : कोरोना महामारीत देशातील खासगी हॉस्पिटल्सकडून अक्षरशः लूट!

पोलिसांनी दिलेल्या माहितीनूसार, मुकामनाथ श्रीनु नाईक ऊर्फ श्रीनिवास चौहान जो प्रकाशम जिल्ह्यातील मुंडलमुरु मंडळाच्या केलमपल्ली गावचा असून त्याने लग्नाच्या बहाण्याने १७ महिलांची फसवणूक केली आहे. त्याने मुलींच्या कुटुंबियांकडून ६.६१ कोटी रुपये जमा केले.

आरोपींकडून पोलिसांनी तीन डमी पिस्तूल, सैन्याचे बनावट ओळखपत्र, बनावट डिग्री प्रमाणपत्र व इतर कागदपत्रे जप्त केली आहेत. पोलिसांनी त्यांच्या तीन गाड्याही ताब्यात घेतल्या आहेत. आरोपीकडून पोलिसांना ८५ हजार रुपये रोकडही मिळाली आहे. 

आरोपी हा फक्त नववी पास आहे. पण त्याने बनावट पदवी मिळविली होती. आरोपी श्रीनिवास चौहानचे अमृता देवीशी लग्न झाले होते. त्याला एक मुलगा देखील आहे, जो इंटरमीडिएट शिकत आहे. त्याचे कुटुंब आंध्र प्रदेशातील गुंटूर जिल्ह्यात राहण्यास आहे. २०१४ मध्ये श्रीनिवास हैदराबादला गेले. आणि जवाहर नगरातील सैनिकपुरी येथे राहत होते . भारतीय सैन्यात आपल्याला मोठी नोकरी मिळाली असल्याचे त्याने आपल्या कुटूंबाला सांगितले होते. 

आरोपीस श्रीनिवास चौहानच्या नावाने बनविलेले आधार कार्ड बेकायदेशीर आहे. त्यात त्यांची जन्म तारीख १२ जुलै १९७९ च्या ऐवजी २७ ऑगस्ट १९८६ अशी नोंदविली आहे. पोलिसांनी सांगितले की, मुकामनाथ श्रीनु नाईक याने त्याच्या मित्रांच्या मदतीने नववधूंबद्दल माहिती गोळा करत होता. त्यानंतर त्याने सैन्यात एक प्रमुख असल्याचे वधूच्या कुटुंबातील सदस्यांना पटवून देण्यासाठी सैन्याच्या बनावट आयडी, फोटो आणि पिस्तूलचा वापर केला. तो त्या मुलीशी बोलताना तो म्हणायचा की तो पुणे येथील नॅशनल डिफेन्स ॲकॅडमीमधून पदवीधर झाला आहे. तो भारतीय सैन्याच्या हैदराबाद रेंजमध्ये मेजर म्हणून नियुक्त झाला असेही त्याने सांगितले होते.

आरोपी श्रीनिवास यांना लग्नाच्या नावावर पैसेही मिळत होते. त्या पैशातून त्याने लक्झरी वस्तूव्यतिरिक्त तीन कार विकत घेतल्या. पण शनिवारी त्याचे कारनामे उघडकीस आले. पोलिस आयुक्तालयाच्या नॉर्दन कमिशन टास्क फोर्सने त्याला आपल्या गाडीसह जात असताना पकडले.

वाचा :'काँग्रेस प्रभावी विरोधक पक्ष राहिलेला नाही'

वाचा : देशातील ८० टक्के जनतेला संक्रमणाला धोका