कोरोनाचा दिल्लीसह केरळमध्ये उद्रेक; एका दिवसात आढळले सर्वांधिक रुग्ण

Last Updated: Nov 30 2020 1:12PM

file photo



नवी दिल्ली : पुढारी वृत्तसेवा 

कोरोना रूग्णसंख्येत वाढ होत असली तरी देशात केवळ ४.७४ टक्के सक्रिय रूग्ण असल्याची माहिती केंद्रीय आरोग्य मंत्रालयाने दिली आहे. गेल्या एका दिवसात ३८ हजार ७७२ रूग्णांची (new #COVID19 infections) भर पडल्याने एकूण कोरोनाग्रस्तांची संख्या (India's total corona cases rise) ९४ लाख ३१ हजार ६९१ वर पोहोचली  आहे. यातील ८८ लाख ४७ हजार ६०० रूग्णांनी कोरोनावर मात ​केली आहे. तर, ४ लाख ४६ हजार ९५२ रूग्णांवर उपचार सुरु आहेत. रविवारी दिवसभरात ४४३ रूग्णांचा कोरोनाने बळी घेतल्याने एकूण मृतांचा आकडा १ लाख ३७ हजार १३९ एवढा (१.४५ %) नोंदवण्यात आला आहे. गेल्या एका दिवसात ४५ हजार ३३३ रूग्णांनी कोरोनावर मात मिळवल्याने सक्रिय कोरोनाबाधितांच्या संख्येत ७ हजारांची घट नोंदवण्यात आली आहे. 

वाचा : लष्कर आणि रॉ प्रमुख नेपाळमध्ये, अजित डोभाल श्रीलंकेत! रणनीती आहे तरी काय?

सोमवारी देशाचा कोरोनामुक्तीदर ९३.८१ टक्के नोंदवला गेला. केंद्रीय आरोग्य मंत्रालयानुसार गेल्या एका दिवसात केरळमध्ये सर्वाधिक ५ हजार ६४३ कोरोनारूग्ण आढळले. केरळ पाठोपाठ महाराष्ट्र ( ५,५४४), दिल्ली (४,९०६), प. बंगाल (३,३६७), राजस्थान (२,५८१), तसेच उत्तर प्रदेशामध्ये (१,९७४) कोरोनाबाधित आढळले. गेल्या एका दिवसात झालेल्या कोरोनामृत्यूपैकी ७९ टक्के मृत्यू हे १० राज्य, केंद्रशासित प्रदेशांमध्ये झाले. 

वाचा : airtel कडून ११ जीबी डेटा फ्री; 'असा' घ्या लाभ!

महाराष्ट्रात सर्वाधिक ८५ रूग्ण दगावले. महाराष्ट्रासह दिल्ली (६८), प.बंगाल (५४),  केरळ (२७),  हरियाणा (२६),  तसेच उत्तर प्रदेशात (२४) कोरोनामृत्यूचे प्रमाण जास्त होते. गेल्या आठ दिवसात ४ हजार ४५ रूग्णांचा कोरोनाने बळी घेतला. देशात आतापर्यंत १४ कोटी ३ लाख ७९ हजार ९७६ कोरोना तपासण्या करण्यात आल्या आहेत. यातील ८ लाख ७६ हजार १७३ कोरोना तपासण्या या रविवारी करण्यात आल्याची माहिती आयसीएमआरकडून देण्यात आली आहे.

वाचा : उत्तर प्रदेशात पत्रकाराला जाळून मारले?