Sat, Oct 31, 2020 12:48



होमपेज › Konkan › कोकण रेल्वे मार्गावर दोन फेस्टिव्हल स्पेशल गाड्या

कोकण रेल्वे मार्गावर दोन फेस्टिव्हल स्पेशल गाड्या

Last Updated: Oct 19 2020 1:21AM




रत्नागिरी : पुढारी वृत्तसेवा

कोकण रेल्वे मार्गावर दोन फेस्टिव्हल स्पेशल गाड्या धावणार आहेत. नागपूर - मडगाव तसेच पुणे  मडगाव या दोन गाड्यांचा यामध्ये समावेश आहे. दि. 23 ऑक्टोबरपासून या गाड्या सुरू होणार आहेत.

दसर्‍याच्या पाश्‍वर्र्भूमीवर  कोकणात येणार्‍यांच्या सोयीसाठी या दोन विशेष गाड्यांची घोषणा करण्यात आली आहे. यातील  नागपूर - मडगाव मार्गावरील विशेष गाडी  (01235/01236)  नागपूर स्थानकावरून दि. 23 व 30 ऑक्टोबर, तसेच दि. 6 नोव्हेंबर 2020 या तारखांना  सायंकाळी 4 वा. सुटणार असून, दुसर्‍या दिवशी ती गोव्यात मडगावला  सायंकाळी 4 वा. 40 मिनिटांनी पोहचणार आहे. 

परतीच्या प्रवासात ही गाडी मडगावहून दि. 24, 31 ऑक्टोबर तसेच 7 नोव्हेबरहून  सायंकाळी 7 वा. 40 मिनिटांनी सुटेल आणि नागपूरला ती दुसर्‍या दिवशी रात्री 8 वा. 30 मिनिटांनी पोहचेल. वातानुकूलित, स्लीपर, सेकंड सीटींग दर्जाच्या 22 डब्यांची ही गाडी पूर्णपणे आरक्षित असेल. ही गाडी वर्धा, बडनेरा, अकोला, भुसावळ नाशिक, इतगपुरी, कल्याण, पनवेल, रोहा, माणगाव, खेड, चिपळूण, संगमेश्‍वर, रत्नागिरी, राजापूर, वैभववाडी, कणकवली, सिंधुदुर्ग, कुडाळ, सावंतवाडी, थीवी तसेच करमाळी या स्थानकांवर थांबे घेणार आहे.

दुसरी फेस्टीवल स्पेशल गाडी  (01409/01410)पुणे - मडगाव मार्गावर धावणार आहे. ही गाडी पुण्याहून दि.  23, 30 ऑक्टोबर तसेच 6 नोव्हेंबर रोजी सायंकाळी 6 वा. 45 मिनिटांनी सुटणार असून लोणावळा, पनवेल, रोहा, माणगाव, खेड, चिपळूण, संगमेश्‍वर, रत्नागिरी, राजापूर, वैभववाडी, कणकवली, सिंधुदुर्ग, कुडाळ, सावंतवाडी, थीवी तसेच करमाळी या स्थानकावर थांबणार आहे.  ही गाडी देखील वातानुकूलित, स्लीपर, सेकंड सीटींग दर्जाच्या 22 डब्यांची पूर्णपणे आरक्षित असेल. शासनाच्या कोविड-19च्या नियमावलीचे पालन करुन या गाड्या धावणार आहेत.

नागपूर - मडगावसह पुणे-मडगाव अशा दोन गाड्या 23 पासून


 





 







"