फौजदाराच्या खांद्यावर जाऊन बसले माकड!

Last Updated: Oct 09 2019 10:05PM
Responsive image


लखनौ ः

माकडांच्या मर्कटलीला बर्‍याच वेळा चर्चेत येत असतात. आता उत्तर प्रदेशात एका माकडाने तर भलताच प्रकार केला. हे माकड पोलिस ठाण्यात घुसून फौजदार साहेबांच्या खांद्यावर जाऊन बसले आणि त्यांच्या केसांमध्ये काही ‘खाऊ’ मिळतो का हे पाहू लागले!

पीलीभीतच्या एका ठाण्यात नुकताच हा प्रकार घडला आणि त्याचा व्हिडीओ आता व्हायरल झाला आहे. हे माकड पोलिस निरीक्षक साहेबांच्या खांद्यावर आरामात विसावून त्यांच्या डोक्यात ऊ सापडते का हे पाहू लागले. या अधिकार्‍यानेही गांगरून न जाता माकडाला काय हवे ते शांतपणे करू दिले व या काळात ते स्वतःही आपले काम करीत राहिले. सुमारे वीस मिनिटांनी माकडाला या सवारीचा कंटाळा आला आणि नंतर ते खांद्यावरून उतरून निघून गेले. ते गेल्यावर आजुबाजूच्या पोलिसांनी आवंढा गिळला! आता हा व्हिडीओ चांगलाच व्हायरल झाला असून लोक अनेक प्रकारच्या प्रतिक्रिया देत आहेत.