इंग्लंडची मालिकेत बरोबरी

Last Updated: Nov 09 2019 2:07AM
Responsive image


नेपियर : वृत्तसंस्था

न्यूझीलंडविरुद्धच्या चौथ्या टी-20 सामन्यात इंग्लंडने 76 धावांनी विजय मिळवून मालिकेत 2-2 अशी बरोबरी साधली. डेव्हिड मलानने केलेले तुफानी शतक आणि त्याला मॉर्गनची मिळालेली साथ यामुळे इंग्लंडने 20 षटकांत 3 बाद 241 धावा चोपल्या. त्यास प्रत्युत्तर देताना न्यूझीलंडच्या संघाला 165 धावांपर्यंतच मजल मारता आली.

या सामन्यात मलानने शानदार शतक करीत इंग्लंडसाठी विक्रमाची नोंद केली. इंग्लंडकडून टी-20 क्रिकेटमध्ये सर्वात जलद शतक करण्याचा विक्रम त्याने केला. मलानने 48 चेंडूंत 101 धावांचा टप्पा गाठला. त्याने इंग्लंडच्या अ‍ॅलेक्स हेल्सचा विक्रम मोडला. इंग्लंडकडून टी-20 मध्ये पहिले शतक अ‍ॅलेक्स हेल्स याने केले होते. त्याच्यानंतर शतक ठोकणारा मलान हा दुसरा फलंदाज ठरला; पण हेल्सने श्रीलंकेविरुद्ध शतक करण्यासाठी 60 चेंडू खेळले होते. त्यापेक्षा कमी चेंडूंत मलानने शतक झळकावले.

मलानने 51 चेंडूंत नाबाद 103 धावांची खेळी केली. ईश सोढीने टाकलेल्या 17 व्या षटकांत त्याने 28 धावा कुटल्या. इतकेच नाही तर मलान आणि मॉर्गन यांनी इंग्लंडसाठी सर्वाधिक टी-20 भागीदारीचीही नोंद केली. मलान आणि मॉर्गन यांच्यात 183 धावांची भागीदारी झाली. न्यूझीलंडविरुद्ध या सामन्यात मलानने दमदार फलंदाजी केली.

आजच्या सामन्यातील मलानची खेळी खास ठरली कारण न्यूझीलंडचा संघ मालिकेत 2-1 ने पुढे होता. या सामन्यात न्यूझीलंडने विजय मिळवला असता तर इंग्लंडचा मालिका पराभव झाला असता. मात्र, मलानच्या खेळीने इंग्लंडने मालिकेत 2-2 अशी बरोबरी केली. मॉर्गनचे शतक हुकले; पण त्यानेही दमदार 91 धावा केल्या.









अखेर ठरलं! ठाकरे घराण्यातील पहिला मुख्यमंत्री होणार; उद्धव ठाकरेंनी प्रस्ताव स्वीकारला


 'तो' कॅच घेतला रोहित शर्माने, पण सोशल मीडियावर हवा संजय राऊतांची! 


खांदेपालट श्रीलंकेत, पण भारताच्या कपाळावर का चिंतेच्या रेषा?


बैठकीतून बाहेर पडताच मुख्यमंत्रिपदावर उद्धव ठाकरे काय म्हणाले? 


अखेर शरद पवारांनीच दिली गोड बातमी; मुख्यमंत्रिपदासाठी उद्धव ठाकरेंच्या नावावर सर्वसंमती!


पुणे : मराठा सरदारांच्या राज्यभरातील वशंजांचे एकत्र येऊन शस्त्रसंपदेचे प्रदर्शन! (video)


बांगला देशने खेळवले १२ फलंदाज 


'अशी' कामगिरी करणारा इशांत शर्मा ठरला पहिला भारतीय गोलंदाज!


सांगली : पोटच्या पोरानं ठोकरलं, नंतर पोरीनंही दार लाऊन घेतलं; आईनं बसस्थानकात काढली रात्र!


संजय राऊतांच्या तिखट शेरो शायरीनंतर आता नवाब मलिकांचाही 'शायराना' अंदाज!