Tue, Nov 13, 2018 06:52



होमपेज › Solapur › गड्डा; उरला गर्दीचा शेवटचा आठवडा

गड्डा; उरला गर्दीचा शेवटचा आठवडा

Published On: Jan 23 2018 1:11AM | Last Updated: Jan 22 2018 10:09PM



सोलापूर : प्रतिनिधी

सोलापूरचे ग्रामदैवत श्री शिवयोगी सिद्धरामेश्‍वरांच्या यात्रेनिमित्त भरवण्यात आलेल्या गड्ड्याचा आनंद लुटण्यासाठी लाखो नागरिक मोठ्या प्रमाणावर गर्दी करत असल्याचे चित्र पाहण्यास मिळत आहेत. प्रथेप्रमाणे महिनाअखेरपर्यंतच मनोरंजननगरी असणार असल्याने शेवटच्या रविवारी आणखी गर्दी होण्याची शक्यता वर्तविण्यात येत आहे.  

नऊशे वर्षांपासून होम मैदानावर गड्डा भरवण्यात येत आहे. सुरूवातीला या गड्ड्यावर मनोरंजनाचे साहित्य कमी व दैनंदिन लागणार्‍या मालाची खरेदी-विक्री मोठ्या प्रमाणात होत होती. मात्र कालांतराने गड्ड्याच्या स्वरूपात बदल होत गेला. आताचा गड्डा हा केवळ शोभेच्या वस्तू, मनोरंजन, चविष्ट खाद्यपदार्थांचा आनंद, लहान मुलांना मौजमजा करण्याचे ठिकाण म्हणून याकडे पाहिले जाते. लहान मुलांचा हट्ट व जीवनातील तणाव मुक्त करण्यासाठी नागरिक मोठ्या संख्येने आपल्या संपूर्ण कुटुंबासह गड्ड्याचा आनंद लुटण्यासाठी येत आहेत.

1 जानेवारीपासूनच गड्ड्यावर नागरिक गर्दी करण्यासाठी सुरुवात करत असतात.  दिवसेंदिवस गड्ड्यावर येणार्‍यांच्या संख्येत वाढ होत असून दररोज हजारो नागरिक गड्ड्याचा आनंद लुटत आहेत. रविवारी हाऊसफुल गर्दी दिसून आली. आता शेवटच्या रविवारी यात वाढ होण्याची शक्यता वर्तविण्यात येत आहे.