Thu, Sep 20, 2018 18:38



होमपेज › Satara › उदयनराजेंच्या वाढदिवसाबाबत पवारांची गुप्त बैठक(Video) 

उदयनराजेंच्या वाढदिवसाबाबत पवारांची गुप्त बैठक(Video) 

Published On: Feb 24 2018 4:12PM | Last Updated: Feb 24 2018 10:40PM



सातारा : प्रतिनिधी 

खासदार उदयनराजे भोसले यांच्या शाही वाढदिवसाला जायचे की नाही, याबाबत राष्ट्रवादी काँग्रेसचे अध्यक्ष शरद पवार यांनी  आमदारांसोबत गुप्त बैठक घेतली. या बैठकीला विधान परिषद सभापती रामराजे नाईक, खासदार विजयसिंह मोहिते पाटील, राष्ट्रवादीचे आमदार शिवेंद्रराजे भोसले, शशिकांत शिंदे , मकरंद पाटील, नरेंद्र पाटील, माजी आमदार प्रभाकर घार्गे यांच्यासह अन्य पदाधिकारी उपस्थित होते. खासदार उदयनराजे भोसले छत्रपती यांच्या वाढदिवसाची आज, साताऱ्यात जोरदार तयारी करण्यात आली आहे. या सोहळ्याला उपस्थित राहण्यासाठी राज्यातील बडी नेते मंडळी साताऱ्यात दाखल झाली आहे. त्यात राष्ट्रवादीचे अध्यक्ष शरद पवार यांच्यासह माजी मुख्यमंत्री पृथ्वीराज चव्हाण यांचा समावेश आहे.

वाचा : मी कुणाला घाबरतही नाही अन् हादरतबी नाही..!

वाचा : राजधानी सातारा उदयनराजेंमय 

राज्यातील दिग्गज नेत्यांना या सोहळ्यासाठी निमंत्रित करण्यात आले असताना सोहळ्याला नेमके कोण कोण हजेरी लावणार, याची उत्सुकता लागली आहे. खासदार उदयनराजे राष्ट्रवादीचेच नेते आहेत. मात्र, त्यांच्याच सोहळ्याला उपस्थिती लावण्यासाठी राष्ट्रवादीच्या नेत्यांची बैठक सुरू असल्याने आश्चर्य व्यक्त होत आहे. खासदार उदयनराजे गेल्या दोन निवडणुकांमध्ये एकतर्फी निवडून आले आहेत. तरीही आगामी लोकसभा निवडणुकीसाठी ते जोरदार मोर्चेबांधणी करत आहेत. पुढील वर्षी होणाऱ्या निवडणुकांच्या पार्श्वभूमीवर उदयनराजेंच्या व्यासपीठावर कोण कोण नेते हजेरी लावणार, याकडे सगळ्यांचे लक्ष लागले आहे. 

इरत बातम्या :
सोलापुरात 'स्वाभिमानी'ने सदाभाऊ खोतांची कार फोडली (Video)

बांडगुळांना मी घाबरत नाही : सदाभाऊ (Video)