Wed, Sep 18, 2019 19:02



होमपेज › Sangli › अल्पवयीन मुलीवर सामूहिक बलात्कार

अल्पवयीन मुलीवर सामूहिक बलात्कार

Published On: Jan 01 2019 1:52AM | Last Updated: Jan 01 2019 1:52AM




विटा : वार्ताहर

अल्पवयीन मुलीवर सामूहिक बलात्कार केल्याप्रकरणी तीन युवकांवर गुन्हा दाखल झाला आहे. ही घटना रविवारी उघडकीस आली. सत्यजित संजय पवार (वय 18, रा. शितोळे गल्ली, विटा), शुभम अनिल शिंदे (20, कुंडल रोड, विटा) व रितेश राजेंद्र लोंढे (20, रा. नेहरूनगर विटा) अशी  संशयितांची नावे आहेत. या तिघांना सांगली येथील न्यायालयात हजर केले असता, तीन दिवसांची पोलिस कोठडी देण्यात आली.  

दि. 29 डिसेंबर रोजी अल्पवयीन पीडित मुलीचे अपहरण झाल्याची फिर्याद तिच्या वडिलांनी विटा पोलिसांत दिली होती. पोलिसांनी तिचा शोध घेतला. तेव्हा ती घानवड (ता. खानापूर) येथे  पोलिसांना सापडली. पोलिसांनी तिच्या आई-वडिलांना विटा पोलिस ठाण्यात बोलावून घेतले. 

तिच्याकडे अधिक चौकशी केली असता तिने सत्यजित पवार, शुभम शिंदे आणि रितेश लोंढे या तिघांनी चारचाकी गाडीतून विटा व कडेगाव येथील लॉजवर नेऊन सामूहिक बलात्कार केल्याची तक्रार केली. पोलिसांनी तिचे जबाब नोंदवून घेऊन या तीन युवकांवर गुन्हा दाखल केला. सहायक पोलिस निरीक्षक धनाजीराव पिसाळ तपास  करीत आहेत.