Sun, Feb 23, 2020 03:23



होमपेज › None › अयोध्येचा आज ऐतिहासिक निकाल

अयोध्येचा आज ऐतिहासिक निकाल

Last Updated: Nov 09 2019 2:07AM




नवी दिल्‍ली : वृत्तसंस्था
संपूर्ण देशच नव्हे तर जगाचेही लक्ष लागून असलेल्या अयोध्या खटल्याचा निकाल सरन्यायाधीश रंजन गोगोई यांच्या अध्यक्षतेखालील पाच न्यायमूर्तींचे घटनापीठ शनिवारी सकाळी ठीक 10.30 वाजता जाहीर करणार आहे. सलग 40 दिवस चाललेल्या मॅरेथॉन सुनावणीनंतर सरन्यायाधीशांनी आपला निकाल गेल्या 16 ऑक्टोबर रोजी राखून ठेवला होता. हा निकाल काय असेल याबद्दल जगभर उत्कंठा शिगेला पोहोचली आहे. 

या निकालाच्या पूर्वसंध्येला शुक्रवारी सरन्यायाधीश गोगोई यांनी उत्तर प्रदेशचे राजेंद्रकुमार तिवारी व पोलीस महासंचालक ओमप्रकाश सिंग यांना पाचारण करीत निकालानंतर काय पडसाद उमटू शकतात आणि त्यासाठी कोणकोणते उपाय योजण्यात आले आहेत, याची माहिती घेतली.