'कोरोना संकटातून मुक्त झाल्यानंतर रेडीरेकनर दर जाहीर होणार'

Last Updated: Mar 26 2020 12:54PM
Responsive image
संग्रहित छायाचित्र


मुंबई : पुढारी वृत्तसेवा

राज्य सरकारकडून दर वर्षी मार्चअखेरीस रेडीरेकनरचे दर जाहीर केले जातात. मात्र गेल्या पंधरा दिवसापासून महसूल विभागातील अधिकारी आणि कर्मचारी कोरोनाच्या  संकटातून जनतेला सावरण्यासाठी झटत आहेत. त्यामुळे यावर्षीचे रेडीरेकनर दर 31 मार्चला जाहीर होणार नसून कोरोनाच्या संकटातून महाराष्ट्र मुक्त झाल्यानंतर हे दर जाहीर केले जातील, अशी माहिती महसूल मंत्री बाळासाहेब थोरात यांनी दिली. 

थोरात यांनी सांगितले की, जीवनावश्यक वस्तू वेळेत आणि पुरेशा प्रमाणात जनतेपर्यंत पोहोचतील यासाठी सरकार युद्धपातळीवर काम करत आहे. धान्याच्या ऐवजी थेट पीठ नागरिकांना कसे मिळेल याबाबतीतही ही सूक्ष्म नियोजन सुरू आहे. शेतीची कामे करण्यासाठी लॉकडाऊनमध्ये निर्बंध नाही. गव्हाची कापणी करण्यासाठी पंजाबहून जे हार्वेस्टिंग मशीन येथे आलेले आहेत, त्यांनाही पुरेशा इंधनाची उपलब्धता करून दिली जाईल, तशा सूचना आम्ही जिल्हाधिकाऱ्यांना दिलेल्या आहेत. पेट्रोल पंपांवर हार्वेस्टिंग मशिनरीला इंधन दिले जाईल.

संपूर्ण लॉकडाउनला जनतेचा सकारात्मक प्रतिसाद मिळत आहे. जीवनावश्यक वस्तूंची वाहतूक करणाऱ्या वाहनांना अडवू नये अशा आशयाच्या सूचना राज्य शासनमार्फत प्रत्येक ठिकाणच्या जिल्हा प्रशासनाला दिल्या आहेत. जीवनावश्यक वस्तूंची वाहतूक करणाऱ्या वाहनांची ओळख व्हावी यासाठी पासेसची उपलब्धता करून वाहतूक सुरळीत केली जात असल्याचे महसूल मंत्री थोरात यांनी सांगितले.









कोरोना : मुंबईतील डॉक्टर, नर्सना राहण्यासाठी ताज हॉटेलमध्ये सोय


त्रुटी दूर करून तीन महिन्यांचे धान्य द्या : देवेंद्र फडणवीस


सांगली जिल्ह्यासाठी आनंदाची बातमी; मिरजेतील लॅबमध्ये २४ जणांचे कोरोना अहवाल निगेटिव्ह


महाराष्ट्रावरचे कोरोना संकट दूर कर; जितेंद्र आव्हाड यांचे विठोबाला साकडे


पनवेल : सीआयएसएफचे ११ जवान कोरोना पाॅझिटिव्ह


उस्मानाबाद : उमरगासह लोहारा तालुक्यात कोरोना पॉझिटिव्ह 


गोव्यात अडकलेल्‍या नफीसा अलींना मुख्यमंत्री कार्यालयातून मदतीचा हात 


कोरोनामुक्त प्रिन्स चार्ल्स आणि आयुर्वेदाचे कनेक्शन राजघराण्याने फेटाळले 


अहमदनगर : 'त्या' १८ व्यक्ती तपासणीसाठी रुग्णालयात दाखल  


कोरोना : युरोपीय देशांच्या तुलनेत देशाची स्थिती चांगली; केंद्राचा दावा