Wed, Jul 17, 2019 18:13



होमपेज › Konkan › जिल्ह्यात पावसाची संततधार

जिल्ह्यात पावसाची संततधार

Published On: Jul 03 2019 1:54AM | Last Updated: Jul 02 2019 11:38PM




रत्नागिरी : प्रतिनिधी

मंगळवारी असलेल्या अमावस्येच्या मुहूर्तावर मुसळधार पावसाचा अंदाज होता. मात्र, मंगळवारी पावसाने टप्प्याटप्प्याने संथ  सरींची मालिका ठेवत उसंत घेतली.  मंगळवारी दिवसभारत 66.11 मि. मी. च्या सरासरीने 595 मि.मी. एकूण पावसाची नोंद झाली.  सोमवारी रात्री  मुसळधार  पावसामुळे दापोली तालुक्यात ओणी येथे चार घरांची अंशतः पडझड होऊन सुमारे 15 हजारांचे नुकसान जिल्हा नियंत्रण कक्षाने नोंदविले.

मुंबई, ठाणे आणि पालघर या कोकण किनारपट्टीत पावसाने धुमाकूळ घातला असताना रत्नागिरीत गेले तीन दिवस पावसाने उसंत घेतली.  मंगळवारी दिवसभरात मंडणगड तालुक्यात 180 मि. मी. दापोलीत 32, खेडमध्ये 110, गुहागर तालुक्यात 15, चिपळुणात 77, संगमेश्‍वर तालुक्यात 93,  रत्नागिरी मध्ये 19, लांजा तालुक्यात 27 आणि राजापूर तालुक्यात 42 मि. मी पावसाची नोंद झाली. जुनच्या दुसर्‍या पंधरावड्यात सक्रिय झालेल्या पावसाने आतापर्यंत 824 मि. मीच्या सरासरीने साडेसात हजार मि. मी.ची  एकूण मजल गाठली आहे. गतवर्षी याच कालावधीत पावसाने 1317 . 50 च्या सरासरीने 12 हजार मि. मी. चा टप्पा पूर्ण केला होता. गतवर्षाच्या  तुलनेत अद्यापही पाऊस 500 मि. मीने पिछाडीवर आहे. दरम्यान, सोमवारी रात्री झालेल्या पावसामुळे  दापोलीमध्ये चार घराची हानी नोंदविण्यात आली.  संगमेश्‍वर तालुक्यात एक वृध्द नदीच्या पाण्यात वाहून गेल्याची घटना जिल्हा नियंत्रण कक्षातून सांगण्यात आली.