Sat, Sep 22, 2018 23:00



होमपेज › Konkan › मुसळधार पावसामुळे मुंबई-गोवा महामार्ग ठप्‍प

मुसळधार पावसामुळे मुंबई-गोवा महामार्ग ठप्‍प

Published On: Jul 07 2018 12:48PM | Last Updated: Jul 07 2018 12:48PM



गिमवी (रत्‍नागिरी) : लक्ष्मीकांत घोणसेपाटील 

कोकणात गेल्या दोन दिवसापासून पडत असलेल्या पावसाने आज पुन्हा एकदा दमदार बॅटिंग केली. खेड परिसरात पडणा-या मुसळधार पावसामुळे मुंबई गोवा महामार्ग ठप्प झाला. महामार्गावरील  वाहतूक गेल्या एक तासापासून बंद आहे. बोरघर रस्ता पाण्याखाली आहे तर जगबुडी नदीला पुर आलेला असल्याने खबरदारी म्हणून या पुलावरील वाहतुक बंद करण्यात आलेली आहे.

दापोली गुहागर खेड मध्ये  पहाटेपासून मुसळधार पाऊस सुरु आहे तर बोरघर येथे दोन्ही बाजूकडून वाहतूक बंद करण्यात आली आहे. नवीन रस्त्याच्या भरावा इतकं पाणी साचल्यामुळे वाहतूक ठप्प झाली असून पावसाचा जोर अद्यापही कायम आहे.