कोल्हापूर जिल्ह्यात ४१९ कोरोनामुक्त

Last Updated: Jun 06 2020 1:09AM
Responsive image
प्रादिनिधिक फोटो


कोल्हापूर : पुढारी वृत्तसेवा

जिल्ह्यात कोरोनाग्रस्तांचे बरे होण्याचे प्रमाण 62 टक्क्यांवर गेले आहे. शुक्रवारी आणखी 28 जणांना उपचारानंतर रुग्णालयांतून घरी सोडण्यात आले. यामुळे जिल्ह्यात आजअखेर कोरोनामुक्त झालेल्यांची संख्या 419 वर गेली. आज आणखी सहा नवे रुग्ण आढळले. यापैकी एकाचा मृत्यू झाला. यामुळे कोरोनाने बळी गेलेल्यांची संख्या सात, तर एकूण रुग्णसंख्या 659 वर गेली. मेंढोली (ता. आजरा) येथील 80 वर्षीय वृद्ध चार दिवसांपूर्वी मुंबईहून गावी आले होते. घरातच त्यांना क्वारंटाईन करून ठेवले होते. त्यांचा स्वॅब घेण्यात आला होता. त्यांना श्वसनाचा असलेला त्रास अधिक वाढला. यामुळे त्यांना उपचारासाठी घेऊन जात असताना वाटेतच त्यांचा मृत्यू झाला. 

दरम्यान, दुपारीच त्यांचा अहवाल पॉझिटिव्ह आल्याने त्यांच्या संपर्कातील पाचजणांना तातडीने कोरोना केअर सेंटरमध्ये दाखल केले असून, त्यांचेही स्वॅब घेण्यात आले आहेत. हे वृद्ध गावचे माजी पोलिसपाटील असून, गेल्या काही दिवसांपासून मुंबईत वास्तव्यास होते. त्यांच्या मृत्यूने आजरा तालुक्यात कोरोनाच्या बळीची नोंद झाली. जिल्ह्यातील कोरोना बळींची संख्या सातवर गेली.पान 5 वर 
दिवसभरात 131 अहवाल प्राप्त झाले. त्यापैकी 6 जणांचे अहवाल पॉझिटिव्ह, तर 125 अहवाल निगेटिव्ह आले आहेत. पॉझिटिव्ह अहवाल आलेल्यांपैकी चारजण आजरा तालुक्यातील आहेत. यापैकी मेंढोली येथील मृताचा अहवाल आहे. यासह झुलपेवाडी येथील 51 वर्षीय तसेच करपेवाडी येथील 56 वर्षीय व्यक्तीचा, लाकूडवाडी येथील 70 वर्षीय वृद्धाचा अहवाल पॉझिटिव्ह आला आहे. उर्वरित दोन अहवाल गडहिंग्लज तालुक्यातील आहेत. हेब्बाळ-जरड्याळ येथील आणखी एका 31 वर्षीय महिलेला, तर शेंद्री येथेही एका 65 वर्षीय वृद्धाला कोरोनाची लागण झाली आहे.

जिल्ह्यात आज आणखी 28 जण कोरोनामुक्त झाले. त्यांना रुग्णालयातून घरी सोडण्यात आल्याने कोरोनातून पूर्ण बरे झालेल्यांची संख्या 419 वर गेली आहे. बरे होण्याचा वेग दिवसेंदिवस वाढत आहे. जिल्ह्यात सीपीआरसह विविध कोरोना रुग्णालयांत 233 रुग्णांवर उपचार सुरू आहेत.









सोनिया गांधींकडून मोठा निर्णय! गुजरात काँग्रेसच्या कार्यकारी अध्यक्षपदी हार्दिक पटेल यांची वर्णी!


राज्यात कोरोनाबाधितांचा आजवरचा विक्रम मोडीत


सांगली झेडपीचे जितेंद्र डुडी नवे 'सीईओ'


मुंबई मनपाचे सहाय्यक आयुक्त अशोक खैरनार यांचे कोरोनाने निधन


कोरोना : राज्यात १ लाख ६४ हजार गुन्हे दाखल


कोल्हापूर : परितेत कोरोनाबाधित सापडल्याने भोगावती परिसर हादरला


पुण्यात निर्णयांचा धडाका सुरुच; मनपा आयुक्त शेखर गायकवाड यांची तडकाफडकी बदली!


शाळेतून पुस्तके गणवेश खरेदी करण्याची सक्ती केल्यास गुन्हे दाखल करा : मंत्री बच्चू कडू


औरंगाबाद : रस्त्यालगतच्या ५१ निराश्रीतांना आसरा


ठाणे जिल्हा १९ जुलैपर्यंत लॉकडाऊन