Mon, Oct 21, 2019 03:31



होमपेज › Goa › करासवाडा येथील अपघातात दुचाकीस्वार ठार

करासवाडा येथील अपघातात दुचाकीस्वार ठार

Published On: Jan 22 2018 1:25AM | Last Updated: Jan 21 2018 11:12PM



म्हापसा : प्रतिनिधी

कोलवाळ हमरस्त्यावर हॉटेल स्पाईसनजीकच्या जंक्शनवर रविवारी दुपारी 3.30 वा. दुचाकी व ट्रक यांची धडक होऊन दुचाकीचालक किथ टेलीस (वय 25) हा जागीच ठार झाला तर मागच्या सीटवर बसलेली रक्षा डांगी (20, रा. गिरी-बार्देश) ही युवती  गंभीर  जखमी झाल्याने गोमेकॉत उपचारार्थ दाखल करण्यात आले आहे.

किथ टेलीस हा मायणा कुडतरी येथील युवक आपल्या जीए-08-एके-3803 दुचाकीवरून गिरी बार्देश येथील रक्षा डांगी हिला घेऊन जात असताना समोरून येणार्‍या ट्रकची (क्र. जीए-04-टी-5219) धडक दुचाकीला बसल्याने दुचाकीचालक किथ ठार झाला. म्हापसा पोलिसांनी जखमीला हॉस्पिटलमध्ये  पोचवले तर मृतदेह शवचिकित्सेसाठी गोमेकॉत बांबोळीला पाठवला.



 




WhatsApp वर बातम्या मिळवण्याकरीता ८८०५००७७२२ हा नंबर तुमच्या मोबईलमध्ये पुढारी या नावाने सेव्ह करा आणि खालील लिंकवर क्लिक करून WhatsApp ग्रुप जॅाईन करा.
https://chat.whatsapp.com/DEeePAgbWU94pj0zgYWo19