Tue, Sep 25, 2018 12:34



होमपेज › Goa › गोवा : ‘एफडीए’च्या अधिकार्‍यांना पोलिस संरक्षण

गोवा : ‘एफडीए’च्या अधिकार्‍यांना पोलिस संरक्षण

Published On: Jul 16 2018 1:52AM | Last Updated: Jul 15 2018 11:54PM



पणजी ः प्रतिनिधी

गुप्तचर विभागाने दिलेल्या माहितीच्या आधारे अन्न आणि औषध प्रशासन विभागाच्या अधिकार्‍यांच्या जीविताला धोका असल्याच्या पार्श्‍वभूमीवर त्यांना रविवारी पोलिस संरक्षण पुरवण्यात आल्याचे सूत्रांनी सांगितले. दरम्यान, सरकारने अन्न आणि औषध प्रशासनाला गुरुवार, दि.12 रोजी मडगाव घाऊक मासळी बाजारात घेतलेल्या मासळीच्या नमुन्यांचे चाचणी अहवाल खात्याच्या संकेतस्थळावर जाहीर करण्याचे निर्देश दिले.

प्राप्त माहितीनुसार एफडीएच्या बांबोळी येथील कार्यालयातील अधिकार्‍यांना पोलिसांचे संरक्षण देण्यात आले आहे. एफडीएने फार्मोलिनयुक्त मासळीच्या दोन्ही चाचण्यांचे  अहवाल खात्याच्या संकेतस्थळावर घोषित करण्याच्या निर्देशानुसार रविवारी रात्री उशिरा अहवाल संकेतस्थळावर प्रसृत केले.