कोळसा हाताळणी स्थगितीला उच्च न्यायालयाचा नकार 

Last Updated: Oct 11 2019 12:46AM
Responsive image

Responsive image

पणजी : प्रतिनिधी

वास्को येथे एमपीटीकडून केल्या जाणार्‍या कोळसा हाताळणीला अंतरिम स्थगिती देण्यास मुंबई उच्च न्यायालयाच्या गोवा खंडपीठाने गुरुवारी नकार दिला.

कोळसा हाताळणीमुळे प्रदूषण होत असल्याने त्याला स्थगिती द्यावी, अशी मागणी करून गोवा फाऊंडेशन तसेच वास्कोच्या रहिवाशांनी उच्च न्यायालयात याचिका दाखल केली होती. या याचिकेवरील सुनावणीच्यावेळी वास्को येथे एमपीटीकडून केल्या जाणार्‍या कोळसा हाताळणीला स्थगिती देण्यास न्यायालयाने नकार दिला. मात्र, त्याचबरोबर 20 नोव्हेंबरपर्यंतचे प्रदूषणासंदर्भातील नमुने गोळा करून त्याबाबतची माहिती सादर करण्याचे निर्देशही उच्च न्यायालयाने एमपीटीला दिले आहेत. 

या याचिकेवरील पुढील सुनावणी 11 डिसेंबरपर्यंत तहकूब करण्यात आली आहे. एमपीटीकडून केल्या जाणार्‍या या कोळसा हाताळणीमुळे प्रदूषण होते. एमपीटी कोळसा कंपन्यांना कसा फायदा होईल, यावर भर देत आहे. त्यांच्याकडून वास्कोत कोळसा कंपन्यांना प्रवेश देण्याचा प्रयत्न केला जात असल्याचे या याचिकेत नमूद करण्यात आले आहे.