Thu, Sep 20, 2018 11:05



होमपेज › Goa › ड्रग्‍स प्रकरणी कळंगुटमध्ये नायजेरियन व्यक्‍तीस अटक

ड्रग्‍स प्रकरणी कळंगुटमध्ये नायजेरियन व्यक्‍तीस अटक

Published On: | Last Updated:

बुकमार्क करा





गोवा : प्रतिनिधी

दीड लाख रूपयांचे ड्रग्स बाळगल्या प्रकरणी कळंगुट पोलिसांनी एका नायजेरियनास अटक केली. तो वापरत असलेली स्कूटर देखील पोलिसांनी जप्त केली आहे.परोबवाडो येथील एका रेस्टॉरेन्ट कडे जॉय एनझेमा हा 31 वर्षीय तरूण ग्राहकांना देण्यासाठी ड्रग्स घेऊन येणार असल्याची माहिती कळंगुट पोलिसांना मिळाली होती. त्यानंतर  पोलिस निरीक्षक जीवबा दळवी यांच्या नेतृत्वाखाली सापळा रचण्यात आला. एका स्कूटर वरून जॉय हा ड्रग्स विकण्यासाठी आला असता खाजगी कार मधून येऊन दबा धरून बसलेल्या पोलिसांनी त्याला थांबवण्याचा प्रयत्न केला. मात्र जॉयने तेथून पळून जाण्याचा प्रयत्न केला. पोलिसांनी पाठलाग करून त्याला जेरबंद करण्यात यश मिळवले. पोलिसांच्या तावडीतून सुटण्यासाठी जॉयने झटापट केली मात्र पोलिसांनी त्‍याला अटक केली.

दळवी आणि त्यांच्या टीमने त्याची चौकशी केली असता त्याने आपल्याकडे ड्रग्स असल्याचे कबूल केले. त्याची झडती घेतली असता त्याच्या कडून 30 हजार रूपयांचा गांजा आणि 1 लाख 20 हजार रूपयांचा चरस सापडला. पोलिसांनी त्याच्या कडून GA-03-AE-0515 क्रमांकाची दुचाकी देखील जप्त केली. ही कारवाई काल रात्री 10 ते 12 च्या दरम्यान करण्यात आली. या कारवाईत पोलिस उपनिरीक्षक ऋषिकेश पाटील, सीताराम मळीक पोलिस कॉन्स्टेबल दिनेश मोरजकर,गोविंद शिरोडकर,वल्लभ पेडणेकर आणि विनोद केरकर यांनी भाग घेतला.उपविभागीय पोलिस अधिकारी किरण पडूवाल आणि पोलिस अधीक्षक चंदन चौधरी यांच्या मार्गदर्शनाखाली पुढील तपास सुरू आहे.

Tags : Goa ,Nigerian person, arrested, drugs case, kalangut,






  •