अर्थवार्ता

Published On: Sep 30 2019 1:55AM | Last Updated: Sep 29 2019 8:40PM
Responsive image

प्रीतम मांडके


गतसप्ताहात निफ्टी व सेन्सेक्स निर्देशांकाने एकूण अनुक्रमे 238.20 अंक तसे 807.95 अंकांची वाढ दर्शवून 11512.4 आणि 38822.57 अंकांच्या पातळीवर बंदभाव दिला. निफ्टी व सेन्सेक्स निर्देशांकात अनुक्रमे 2.11 टक्क्यांची वाढ नोंदवली गेली.

सहकारी बँकांच्या हितरक्षणासाठी म्हणून रिझर्व्ह बँकेने पंजाब अँड महाराष्ट्र को-ऑपरेटिव्ह बँक (पीएमसी बँक) वर कलम ‘35 अ’ अंतर्गत निर्बंध घातले. बँकेतील खात्यामधून कमाल 10 हजार रुपयांपर्यंत पैसे काढता येणार. सहकार क्षेत्रात खळबळ. बँकेमध्ये 9.16 लाख खातेधारक असून सुमारे 15 हजार पगारदार संस्था आणि सहकारी गृहनिर्माण संस्था ठेवीदार आहेत. मार्च 2019 अखेर सुमारे 20 हजार कोटींचा व्यवसाय असणार्‍या पीएमसी बँकेत सुमारे 11 हजार 500 कोटींच्या ठेवी आहेत.

पीएमसी बँकेने ‘हाऊसिंग डेव्हलपमेंट अँड इन्फ्रास्ट्रक्चर लिमिटेड’ (एचडीआयएल) या गृहबांधणी व वित्तपुरवठा क्षेत्रातील कंपनीला 2500 कोटी रुपयांचे कर्ज दिले होते, ते थकल्याने ही सहकारी बँक अडचणीत आली होती. ताळेबंदामध्ये या थकलेल्या कर्जाची रक्कम समाविष्ट न केल्याने आर्थिक अहवालात थकीत कर्जाचे प्रमाण केवळ 2.19 टक्के दिसत होते. परंतु आरबीआयला यासंबंधी माहिती मिळताच रिझर्व्ह बँकेतर्फे कारवाईचे कडक पाऊल उचलले गेले. एचडीआयएफचा थकीत कर्जाचा आकडा 2500 कोटींच्या आसपास असला तरी पीएमसी बँकेचा संपूर्ण राखीव निधी हा केवळ 1 हजार कोटींच्या दरम्यान आहे. त्यामुळे एचडीआयएलचे पुनरुज्जीवन झाल्यास अथवा एखाद्या दुसर्‍या कंपनीने एचडीआयएल ताब्यात घेतल्यास पीएमसी बँकेला कर्जवसुली करता येईल. पुढील सहा महिन्यांपर्यंत आर्थिक निर्बंध कायम ठेवून त्यानंतर पुन्हा आढावा घेणार असल्याचे रिझर्व्ह बँकेने स्पष्ट केले. 

खासगी क्षेत्रातील ‘लक्ष्मी विलास बँक’च्या संचालकांविरुद्ध रेलिगेअर फिनव्हेस्ट कंपनीची तक्रार बँकेत ठेवलेल्या मुदत ठेवींचा गैरवापर केल्याचा लक्ष्मी विलास बँकच्या संचालकांवर आरोप. लक्ष्मी विलास बँकेत रेलिगेअर फिनव्हेस्टच्या 790 कोटींच्या ठेवी. सध्या 49 हजार कोटींचा व्यवसाय असलेल्या लक्ष्मी विलास बँकेच्या देशभरात 569 शाखा आहेत.

विविध सरकारी आस्थापनांतील 20 हजार कोटींच्या थकीत देणी ऑक्टोबरच्या पहिल्या आठवड्यापूर्वी भागवण्याचे आदेश केंद्रीय वित्तमंत्रालयाकडून देशातील सर्व सरकारी यंत्रणांना देण्यात आले.
‘रिजनल काँप्रेहेन्सिव्ह इकॉनॉमिक पार्टनरशिप’च्या करारानुसार चीनमधून येणार्‍या सुमारे 80 टक्के वस्तूंवरील आयात शुल्क कमी करण्यात येण्याची शक्यता.

‘दिवाण हाऊसिंग फायनान्स’ (डीएचएफएल) एका ठराविक मुदतीमध्ये गुंतवणूकदार संस्थांचे पैसे परत करण्यास तयार परंतु त्यासाठी कर्ज पुरवलेल्या बँकांची समिती (इंटर-क्रेडिटर अ‍ॅग्रीमेंट) ने मान्यता देण्याची प्रतीक्षा.

कॉर्पोरेट टॅक्समध्ये उद्योगक्षेत्राला घसघशीत सूट दिल्यानंतर सरकारी तिजोरीत सुमारे दीड लाख कोटींच्या महसुलाची कमतरता भासेल. त्यामुळ तेल उत्खनन आणि विपणन क्षेत्रातील कंपन्यांकडून यावर्षी केंद्र सरकारला 34 हजार कोटींच्या निधीची (लाभांश अथवा नफा स्वरूपात) अपेक्षा आहे. मागील वर्षीपेक्षा किमान 15 टक्क्यांपेक्षा अधिक रक्कम सरकारी तेल कंपन्यांकडून मिळावी, यासाठी केंद्र सरकार प्रयत्नशील. 

पिरामल कॅपिटल अँड हाऊसिंग फायनान्स आणि आंतरराष्ट्रीय गुंतवणूकदार उद्योग समूह ‘सॉफ्ट बँक’यांची एकत्र येण्याची शक्यता धूसर. गृहउद्योगासाठी पिरामल उद्योग समूह केवळ घाऊक कर्जे पुरवण्यास उत्सुक, तर सॉफ्ट बँक सामान्य ग्राहक तसेच किरकोळ स्वरूपातील तळागाळात गृहकर्जे वितरित (रिटेल लेंडिंग) करण्यास उत्सुक. व्यवहार पूर्णत्वास गेल्यास सुमारे 1 अब्ज डॉलर्स (7 हजार कोटींची) गुंतवणूक पिरामल उद्योग समूहातील मतभिन्नतेमुळे व्यवहार पूर्ण होण्यास अडथळे. 

देना बँक, विजया बँक, बँक ऑफ बडोदाच्या एकत्रीकरणानंतर बँक ऑफ बडोदाला 9500 कोटीपर्यंत बचत होण्याचा अंदाज. संभावित 537 शाखांपैकी 345 शाखांचे एकत्रीकरण केले जाणार. तसेच 192 शाखांना दुसर्‍या ठिकाणी स्थलांतरीत केले जाणार.

राणा कपूर यांच्या येस कॅपिटल कंपनीने येस बँकेतील 1.8 टक्के हिस्सा विकला. ‘फ्रॅकलिन टेम्पलटन एएमसी’ची 630 कोटींची देणी परतफेड करण्यासाठी हिस्साविक्री करण्यात आली. 

17 हजार कोटींची ‘एनसीडी’ची देणी परत करण्यास विलंब केल्याने केअर या पतमानांकन संस्थेने रिलायन्स कॅपिटलचे रोख्यांचे पतमानांकन घटवले.

20 सप्टेंबर रोजी संपलेल्या सप्ताहाअखेर भारताच्या परकीय गंगाजळीत 388 दशलक्ष डॉलर्सची घट होऊन गंगाजळी 428.96 अब्ज डॉलर्सवर पोहोचली. ऑगस्टमध्ये गंगाजळीने 430.572 अब्ज डॉलर्सचा उच्चांक गाठला होता.







अंबाजोगाई येथे पुरुष जातीचे अर्भक चोरीला


रासप कार्यकर्त्यांचा आघाडीला पाठिंबा : जयंत पाटील


नव महाराष्ट्र घडविण्यासाठी भाजपाला मतदान करा : जे. पी. नड्डा


जनतेसाठी आम्ही स्वयंपाक करू, फक्‍त ‘त्या’ धरणातील पाणी नको : ठाकरे


अध्यक्ष होताच गांगुलीचा 'सीओए'वर निशाणा


भ्रष्टाचाराच्या माध्यमातून आपली घरे भरल्यानेच त्यांची वाईट अवस्था : मुख्यमंत्री 


नवसाने आलेल्या सरकारने राज्य उद्ध्वस्त केले : धनंजय मुंडे


‘हिरकणी’चा ट्रेलर पाहिला का? (Video)


अयोध्याप्रकरणी केवळ मुस्लिमांनाच प्रश्न विचारले जातात, राजीव धवन यांचा आरोप


 ...म्हणून शरीरसंबंधाची मागणी व्हायची; रिचाचा धक्कादायक खुलासा