ज्ञानात भर : निअँडरथॉल मानवाचे दुर्दैव

Published On: Sep 07 2019 2:05AM | Last Updated: Sep 06 2019 9:14PM
Responsive image


निअँडरथॉल मानवाची प्रजाती पृथ्वीतलावरून कायमची नष्ट होण्यामागे नैसर्गिक आपत्ती किंवा पर्यावरणातील बदल कारणीभूत नव्हता, तर कमी होत जाणारा प्रजनन दर व अर्भक मृत्यूदरांत वाढ ही प्रमुख कारणे होती; असा दावा फ्रान्सच्या ऐक्स मार्सेल विद्यापीठाच्या अ‍ॅना डिजिओनी या संशोधिकेने केला आहे.

निअँडरथॉल मानवाच्या प्रजातीचे भौगोलिक स्थान, तत्कालीन लोकसंख्येबाबतचा अंदाज, जीवाश्मामध्ये आढळलेले विकार या सर्वांचा अभ्यास करून असा निष्कर्ष काढण्यात आला की, पृथ्वीतलावर निअँडरथॉल मानवाची लोकसंख्या पाच हजार एवढी उरल्यानंतर त्यांच्यातील प्रजनन दर झपाट्याने कमी झाला व अर्भक मृत्यूदरात वाढ झाली व त्याची परिणिती या मानवाच्या नष्ट होण्यात झाली.