वीरबाला : मैबम प्रीतीदेवी

Published On: Sep 07 2019 2:05AM | Last Updated: Sep 06 2019 9:10PM
Responsive image


30 मार्च 2009! मैबम प्रीतीदेवी ही अकरा वर्षांची मुलगी मणिपूर राज्याच्या इम्फाळ शहरात एका बाजारातील तिच्या वडिलांच्या दुकानात शाळेचा अभ्यास करत बसली होती. त्या बाजारात अचानक काही दहशतवादी घुसले व त्यांनी लोकांनी भरलेल्या त्या बाजारात एक हातबॉम्ब फेकला. तो हातबॉम्ब मैबमच्या दुकानाजवळ पडला. इतर लोक या घटनेने भयभीत झाले. 

मैबमने न घाबरता तो हातबॉम्ब उचलला व लोकांपासून दूर सुरक्षित ठिकाणी फेकला. त्यामुळे दहशतवाद्यांचा बाजारात बॉम्बस्फोट करण्याचा प्रयत्न विफल झाला. इयत्ता सहावीत शिकणार्‍या त्या लहान मुलीच्या प्रसंगावधानाने बाजारातील शेकडो लोकांचे प्राण वाचले. या अतुलनीय साहसाबद्दल मैबम प्रीतीदेवीला तत्कालीन राष्ट्रपती प्रतिभा पाटील यांनी राष्ट्रीय शौर्य पुरस्कार देऊन गौरविले.