Responsive image

जगभरातील स्त्री जन्मदर चिंताजनक

By santosh.kanmuse | Publish Date: Jan 18 2020 8:12PM

अनिल तोरणे

 संयुक्‍त राष्ट्रांच्या 2019 सालातील जागतिक लोकसंख्या अहवालात जे काही कल अधोरेखित केले गेले आहेत, ते सावधगिरी बाळगण्याविषयी सुचवीत आहेत. जागतिक लोकसंख्येतील वाढ व घट हे कल जीवनशैलीशी निगडित सामाजिक-सांस्कृतिक बाबींमधे बदल घडवून आणण्यासाठी पार्श्‍वभूमी तर तयार करीत आहेतच; शिवाय जगातील सगळ्या सरकारांमध्ये या समस्येवर सहकार्य आणि समन्वयाची गरज प्रतिपादित आहे. या अहवालानुसार जगाच्या सध्याच्या 770 कोटी लोकसंख्येत वाढ होऊन 2050 साली ती 970 कोटी इतकी होईल. विश्‍वपातळीवर स्त्रियांचा सरासरी जन्मदर 1990 साली 3.2 होता, तो 2019 मधे 2.5 झाला आहे. 2050 सालापर्यंत तो आणखी कमी होऊन 2.2 होईल, असा अंदाज आहे. एखाद्या देशाची लोकसंख्या घटू नये, यासाठी स्त्रीजन्माचा दर 2.1 टक्के असावा, असे मानले जाते.